Türkiyäneñ berençe bor karbid citeşterü êşxanäse açıldı

Türkiyäneñ berençe bor karbid citeşterü qorılması Balıkäsirneñ Bandırma ilçäsendä ilbaşı Räcäp Tayyip Ärdoğan qatnaşında tantanalı räweştä açıldı.

İlbaşı Ärdoğan biredä yasağan çığışında İskeşähärdä tabılğan 694 million tonna siräk cir êlementı rezervın yıllıq 1200 tonna cäwhär êşkärtä torğan ob’yekt belän tabışqa äyländeräçäklären äytte.

” Bandırma bor karbid êşxanäse täcribäse belän Kütahya Ämättä 5 meñ tonna citeşterü quäte bulğan yaña bor karbid qorılması buldıraçaqbız”,- dide Ärdoğan.

İlbaşı Ärdoğan Türkiyäne transport, säwdä häm citeşterü belän tabiği gaz üzägenä äyländerüdä zur alğarışqa ireşülären äytte.

Ul yañartıla torğan ênergiya xaqında ”Bezneñ bu ölkädäge uñışıbıznıñ iñ açıq ürnäge – ilebezneñ yañartıla torğan ênergiya ölkäsendä dön’yanıñ iñ yaxşı 10 ile arasına kerergä äzerlänüe” dide.

İlbaşı Räcäp Tayyip Ärdoğan investiśiya küläme 80 million dollar bulğan Bandırma bor karbid citeşterü üzägeneñ bu ölkädä Türkiyäneñ berençe, dön’yada sanawlı êşxanäläreneñ berse bulaçağın assızıqladı.