İlbaşı Ärdoğan Finlyandiya Däwlät başlığı Niinistönı qarşı alaçaq

Ärdoğan Finlyandiyalı wazıyfadaşı Niinistö belän Änkarada oçraşa. Oçraşunıñ töp kön tärtibe Finlyandiyanıñ NATO äğ’zalege.

İlbaşı Ärdoğan Finlyandiya Däwlät başlığı Sauli Niinistönı İlbaşı qolliyätendä räsmi tantana belän qarşı alaçaq.

Liderlar räsmi tantanadan soñ üzara söyläşäçäk.

Söyläşü waqıtında Finlyandiyanıñ NATOğa äğ’zalek möräcäğätenä tuqtalıp uzılaçaq.

2022nçe yılnıñ iyün’ ayında Madridta imzalanğan öç yaqlı memorandum qısalarındağı soñğı wazğıyät bäyälänäçäk.

Finlyandiyanıñ memorandumda üz östenä alğan yöklämälären ütägänme, yuqmı ikänlege küzdän kiçereläçäk.

Ärdoğan-Niinistö oçraşuı waqıtında Türkiyä-Finlyandiya mönäsäbätläre dä söyläşeläçäk.

Ayıruça regional’ häm xalıqara täräqqıyätlär quzğatılaçaq.

İke Däwlät başlığı söyläşülärdän soñ urtaq matbuğat oçraşuın ütkäräçäk.