Şanlıurfa häm Adıyamannı su bastı

Türkiyäneñ Şanlıurfa häm Adıyaman vilayät’lärendä küzätelgän su basu afätendä ğomere özelüçelär sanı 14 buldı.

Êçke êşlär ministrı Söläyman Soylu kiçä barlıqqa kilgän su basu belän bäyle açıqlaw yasadı.

Ministr Soylu bolay dip belderde: “Şanlıurfada 12 watandaşıbız yaqtı dön’yadan kitte, 2 watandaşıbız da Adıyamanda hälaq buldı. 5 keşene êzlilär.”

Yuğalğan keşelärne êzläw-qotqaru êşçänlekläreneñ däwam itüen assızıqlağan Soylu: “Salınğan zıyannı bilgeläw êşläre şunduq başlandı,” – dide.

2 köndä Şanlıurfada küzätelgän yawım-töşemneñ yılına urtaça yawım-töşemnän 2 tapqır kübräk buluı belderelde.

Töbäktä köçle yawım-töşem kisätüe yasala.