Oktayğa Üzbäkstan duslıq ordenı tapşırıldı
Üzbäkstan İlbaşı Şäwkät Mirziyayıv Türkiyä Däwlät başlığı urınbasarı Fuat Oktayğa "Duslıq ordenı”n täq’dim itte
Törki däwlätlär oyışmasınıñ çirattan tış yuğarı däräcäle oçraşuı aldınnan İlbaşı Räcäp Tayyip Ärdoğan häm Mirziyayıvneñ İlbaşı qolliyätendäge söyläşüe waqıtında İlbaşı urınbasarı Oktayğa Türkiyä häm Üzbäkstan arasındağı mönäsäbätlärneñ üsterelüenä kertkän öleşe öçen täq’dim itelüe uzğan sentyabr ayında qarar qılınğan Duslıq ordenı tapşırıldı.
Oktayğa Duslıq ordenın birü turında Mirziyayıv qul quyğan qararnamä dä uqıldı. Qararnamädä:
"Säyäsät, diplomatiya, säwdä, iq’tisad, kapital salu, mäğarif, belem häm mädäniyät-humanitar ölkälärendäge mönäsäbätlärne üsterügä kertkän zur öleşläre, xalıqlarıbız arasındağı duslıq häm teläktäşlek bağlanışların nığıtu, ozaq möddätle häm kiñ qolaçlı êlemtälärne yaña däräcägä kütärü mäs’äläsendäge êffektiv êşçänlege uñayınnan Türkiyä İlbaşı urınbasarı Fuat Oktay Duslıq ordenı belän büläkländerelsen. Üzbäkstan Cömhüriyäte Däwlät başlığı Şäwkät Mirziyayıv," – dip äytelde.
Annan soñ Mirziyayıv İlbaşı Ärdoğan häm delegaśiya äğ’zaläreneñ alqışları belän Oktayğa Üzbäkstan duslıq ordenın kiyderde.
Üzbäk Däwlät başlığına räxmät belderüçe Oktay ordennı aludan bik şat buluın äytte.
