Afättä ülüçelär sanı arttı
Bu xaqta AFAD başlığı Yunıs Sezer belderde
AFAD Afät häm ğadättän tış xällär belän idarä itü räislege başlığı Yunıs Sezer êpiŝentrı Kahramanmaraş bulğan cir teträwlärdä 47 975 keşeneñ yaqtı dön’yadan kitüen açıqladı.
Sezer başqala Änkarada AFAD binasında açıqlaw yasap, 6 fevral’ könne barlıqqa kilgän cir teträwlärdä zıyan kürgän töbäklärdä tormışnı cayğa salu êşçänlekläreneñ däwam itüen belderep, cimereklärne çistartu êşläreneñ baruın citkerde.
Zilzilälärdä ğomere özelüçelär sanınıñ artuın beldergän başlıq Sezer tübändägeçä däwam itte: “Xäzerge waqıtta 47 975 ülüçe bar. Bolardan 6278e çit il keşelärennän tora. Alardan kübese – süriyäle.”
Xäzerge waqıtta 3954 êzläw-qotqaru personalınıñ cimereklärne çistartu häm gumanitar yärdäm êşlärendä wazifa başqaruın äytkän Sezer qalğan illärdän kilgän yaqınça 300 êzläw-qotqaru personalınıñ da töbäktä buluın citkerde.