Türkiyä İzrailneñ höcümen häm qırıslıq ğamällären gäyıpläde

Tışqı êşlär ministrlığınnan yasalğan yazmaça belderüdä: "İzrail köçläreneñ häm izraille küçep kilüçelärneñ Yordannıñ Könbatış üzänlegendä artqan höcümnären häm qırıslıq ğamällären iñ kisken räweştä gäyıplibez,” – dip äytelde.

Belderüdä İzrail köçläreneñ Cänin qaçaqlar lagerına oyıştırğan höcüm belän izraille küçep kilüçelärneñ Yordannıñ Könbatış üzänlegeneñ Huvara şähärendä yäşäwçe fälästinlelärgä qarşı alıp barğan köç qullanu häm qurqıtu ğamälläreneñ qabul itelmäslek buluına basım yasaldı.

Artqan şuşı höcümnärneñ häm ğamällärneñ töbäktäge kiyırenkelekne tağın da kübäytäçäk qırıslıq äylänmäsen küätländerüen häm izge ramazan ayı yaqınlaşqan waqıtta kiyırenkelekne kimetügä qağılışlı xalıqara tırışularğa da zarar birüenä işarät itelgän belderüdä: "Bu höcümnärne beterü häm qırıslıqnı totqarlaw çaqıruıbıznı qabatlıybız, İzrail xökümäten aqıl häm cawaplılıq belän xäräkät itärgä çaqırabız,” – dip äytelde.

İzrail xärbiläreneñ yaw astındağı Yordannıñ könbatış üzänlegeneñ tön’yağındağı Cänin qaçaqlar lagerına oyıştırğan tentü waqıtında 6 fälästinle üterelgän, 26 keşe yaralanğan ide.

Yaw astındağı Yordannıñ könbatış üzänlege belän Könçığış Qodüstä yış-yış öylärgä tentülär yasawçı İzrail köçläre törle gäyıpläwlär belän fälästinlelärne qulğa ala.

İzrail ğaskäre häm yähüd kilep urnaşuçılar açqan ut näticäsendä yıl başınnan birle xatın-qızlar häm balalar belän bergä 74 fälästinle üterelgän.