Kön'yaq Koreya liderı: "Türkiyä belän çın qardäş illär bez"
Yun Sok Yel cir teträwlärdän soñ Türkiyädä êzläw-qotqaru êşçänleklärendä qatnaşqan koreyalı törkem belän oçraştı
Kön’yaq Koreya ilbaşı Yun Sok Yel Türkiyä belän çın qardäş däwlät buluların äytte.
Kön’yaq Koreyanıñ Änkaradağı ilçelegennän yasalğan yazmaça belderügä qarağanda, ilneñ liderı 6nçı fevral’dä Kaxramanmaraşta bulğan cir teträwlärdän soñ Türkiyädä êzläw-qotqaru êşçänleklärendä qatnaşqan koreyalı törkem belän oçraştı. Aş mäclesennän soñ Yun Sok Yel çığış yasadı. Anda ul bolay dide: “Türkiyädäge yärdäm êşçänleklärendä kürsätelgän teläktäşlek ruxı Koreya häm Türkiyäneñ awır waqıtlarda ber-berlärenä bulışuçı çın duslar buluın xäterlätte. Afterşoklar däwam itkän häm suıq hawa şartları xökem sörgän awır wäzğıyät’tä komandabıznıñ fidakar’lege häm tırışlığı öçen min bik räxmätle”.
Yun cir teträgän töbäklärne qabat torğızu öçen yärdämnärneñ däwam itäçägen assızıqladı. Ul xökümät häm şäxsi tarmaqnıñ waqıtlıça toraq proyektlarında qatnaşu öçen 10 million dollardan artıq çığanaq täêmin itäçägen belderde.
Yun Türkiyägä 250 konteyner öy cibäreläçägen dä äytte. “Yärdämläşülärebez ike däwlätneñ çın qardäş illär ikänen kürsätüçe simvol bulaçaq”-dide ul.
Cir teträwlärdän soñ 8nçe fevral’dä Türkiyägä kilep citkän 121 keşelek Koreya afätlärdä yärdäm törkeme Xatayda 8 keşene xaräbälärdän qotqardı, 19ınıñ üle gäwdäen tabıp aldı.
