10 yäş’lek bala yärdämgä aşıqtı
Cir teträwlärdän soñ plastik şeşä tuplap, afättä zıyan kürüçelär öçen 2 meñ yevro cıydı
Niderlandta yäşäwçe 10 yäş’lek Ali Cem Kahramanmaraşta barlıqqa kilgän cir teträwlärdän soñ plastik şeşä tuplap, afättä zıyan kürüçelär öçen 2 meñ yevro cıydı.
Türkiyäneñ Deventerdağı başkonsullığınıñ soŝial’ säxifä akkauntında başkonsul Muammer Hakan Cengizneñ 10 yäş’lek Ali Cem yanına barıp, yärdäme öçen aña büläk birgändä töşerelgän fotoräsem urtaqlaşıldı.
Gaga ilçese Selçuk Ünal da Zutfen şähärendä yäşäwçe Cem häm ğailäsenä şaltıratıp, räxmät belderde.
Fotoräsem astındağı açıqlawda bolay diyelä: “10 yäş’lek Ali Cem cir teträw yaraların beterü öçen üz tırışlığı belän, apası häm iptäşläreneñ dä yärdäme belän plastik şeşälär tuplap, 2 meñ yevro cıydı. Bu awır waqıtta Zutfennan bezgä köç häm ömet birde. Yäşe keçkenä läkin yöräge zur. Räxmät, qaderle Ali Cem!”
6 fevral’ könne barlıqqa kilgän 7,7häm 7,6 ball zurlığındağı cir teträwlärdä meñnärçä keşeneñ ğomere özelgän ide.
