Türkiyädä tağın ber cir teträw buldı
Anıñ zurlığı - 6,4 ball
1948994
Kiçä Türkiyädä Hataynıñ Däfnä rayonında 6,4 bal zurlığında tağın ber cir teträw buldı.
Annan soñ Samandağ rayonında 5,8 ball zurlığında iyärçen zilzilä barlıqqa kilde.
Cir teträwlärdä 6 keşeneñ ğomere özelde.
” Hataynıñ Däfnä rayonında Türkiyä waqıtı belän 20 säğat’ 04 minutta 6,4 ball zurlığında cir teträw buldı. Ul cir östennän 16 çaqrım 7 metr tiränlektä terkälde. Cir teträw arqasında 6 keşe ğomeren yuğalttı” diyelä Afätlär häm ğadättän tış xällär belän idarä itü räislege (AFAD) belderüendä.
Türkiyä sälamätlek saqlaw ministrı Fäxrettin Koca üzeneñ Twitter akkauntında “Hatayda tönlä bulğan ike cir teträwdä 294 keşe cäräxätlände, alardan 18 eneñ xälläre awır” dip yazdı.
Töbäktä êzläw-qotqaru êşläre köçäytelde.
