Törkiyädä cirteträwlär
Kahramanmaraş êpiśentrlı 7,7 häm 7,6 zurlığındağı cir teträwlärdä häläq buluçılarnıñ sanı 14 meñ 351gä citte
İlbaşı urınbasarı Fuat Oktay 6nçı fevraldä cirteträwlär täêsirle bulğan afät töbägendä häläq buluçılarnıñ 14 meñ 351gä, yaralanuçılar sanınıñ 63 meñ 794kä citüen belderde.
Cimerelgän 6 meñ 444 binanıñ qaldıqlarında êzläw-qotqaru êşçänlege däwam itä.
Êzläw-qotqaru törkemnäre belän bergä töbäktä barlığı 113 meñ 201 personal wazıyfa başqara.
Töbäkkä cibärelgän 94 meñnän kübräk ğailä yäşäw çatırınıñ 73 meñ 11e urnaştırıldı.
Töbäkkä 95 küçmä kuxnya, 79 tuqlanu maşinası, 1 aş yortı, 4 küçmä miç, 39 qır kuxnyası, 1 konteyner kuxnya häm 86 xezmät texnikası cibärelde.
AFAD Afät häm ğadättän tış xällär idaräse räislege bügen säğät 11.38däge mäğ’lümatkä kürä, Kahramanmaraş êpiśentrlı cirteträwlärdän täêsirlängän vilayätlärdän avtoyul, timer yul häm hawa yulı belän 28 meñ 44 keşeneñ êvakuaśiyälänelüen belderde.
