Törkiyädä cir teträwlär: soñğı sannar
Kahramanmaraş êpiśentrlı 7,7 häm 7,6 zurlığındağı cir teträwlärdä häläq buluçılarnıñ sanı 5 meñ 894kä citte
1943461
İlbaşı urınbasarı Fuat Oktay 6nçı fevral’da barlıqqa kilgän Kahramanmaraş êpiśentrlı cir teträwlärdä 5 meñ 894 keşeneñ ğomereneñ özelüen, 34 meñ 810 keşeneñ yaralanuın belderde.
Cimerelgän bina sanınıñ 5 meñ 775, cimerelgän bina qaldıqları astınnan qotqarılğannarnıñ isä 8 meñ tiräsendä buluın iskärtep uzuçı Oktay: "Êzläw-qotqaru çaralarıbız däwam itä. Cimerelgän bina qaldıqları astında bulğan soñğı watandaşıbızğa ireşkängä qadär bu êşçänlek däwam itäçäk,” – dip äytte.
Türkiyä İlbaşı urınbasarı böten oyışmalardan barlığı 60 meñ 218 keşeneñ afät mäydanında wazıyfalandırıluın bilgeläp uzdı.
