”Qış künegüläre - 2023” Karsta uza
Anda 17 ildän xärbi xezmätkärlär qatnaşa
Törek Qorallı Köçläreneñ qışqı xärbi künegüläre Karsta däwam itä.
”Qış künegüläre -2023” tä 17 ilneñ, şul isäptän Germaniya, Azärbaycan, Qazaqstan häm Angliyäneñ xärbi xezmätkärläre qatnaşa.
Hawa temperaturası -10 gradusqa qadär töşkän töbäktä 1 meñ 758 personal qatnaşında uzuçı xärbi künegülärdä 43 törle 651 texnika häm 23 törle 865 qoral qullanıla.
Künegülär qısalarında Türkiyä häm Azärbaycan Qorallı Köçläreneñ köbäle texnika törkemnäre manevr aldınnan tanklarnı kontrol’ itte.
Annan soñ ike ilneñ tank häm mexanikalaştırılğan pexota diviziyäse rotaları qatnaşında höcüm yasaldı.
Qırda yuğarı xäräkät säläten kürsätkän tanklarnıñ törle sistemaları tikşerelde.
Tanklar höcüm itkändä manevr snaryadları qullanıldı.
Ciröste xäräkätläreneñ möhim öleşlärennän berse bulğan köbäle texnika berlekläreneñ qıyın urınnarnı niçek kiçkännäre maxsus tank belän kürsätelde.
Xärbi künegülärdä gaubiśa, tank häm “CİRİT” raketası atışları da başqarıldı.
