Qara diñgezdän gaz çığaru tarixı - fil'mda

Türkiyäneñ ênergetika häm qazılma baylıqlar ministrı Fatix Dönmäz Qara diñgezdä tabiğıy gaz tabu turında söyläwçe “Açışnıñ utı” dokumental’ fil’mınıñ İstanbuldağı galasında qatnaştı. Räsmi zat andağı çığışında Türkiyäneñ kiläçägen yaqtırtuçılarnıñ, irtägese könnärneñ mullığı öçen tir tügüçelärneñ xikäyälärenä şahit bulaçaqların äytte.

Dönmäz Qara dingezdäge proyektnıñ zur uñış xikäyäse buluın belderep bolay dide: “Bu xikäyä üzen watanına atawçılarnıñ xikäyäse. Bu xikäyä irtägese könneñ Türkiyäsenä, kiläçäk näsellärgä köçle miras qaldıru öçen ğailäsennän, balalarınnan, söygännärennän waz kiçüçelärneñ xikäyäse”. Ministr Qara dingez gazınıñ artındağı zur êşçänlekne “Açışnıñ utı” dokumental’ fil’mında 1 säğat’kä sıydırırğa tırışuların söyläde.  “Beläbez, bu kiçneñ kaharmannarınıñ, bu kiçneñ töp rol’ başqaruçılarınıñ xikäyäse ber kiçägä sıymayaçaq qadär zur häm tirän. Bez barı bu xikäyägä ber qaraş taşlıybız. Türkiyäneñ ênergetika tarixı başınnan yazılğanda bu xikäyälärneñ çittä qaluına, onıtıluına yäisä berniçä keşeneñ belüenä küñelebez razıy bulmas ide,”-dide ul.

Dönmäz bik küp belgeçneñ Qara diñgez proyektında qatnaşu öçen Türkiyägä qaytuın da belderde. Ul älege xikäyälärne ber seriyä xälenä kiterü, kiläçäktä, bälki, kitap itep çığaru plannarı turında da urtaqlaştı.