Şveśiyadağı “PKK” skandalına cinayät êşeneñ quzğatıluı öçen möräcäğät
Türkiyä Däwlät başlığı advokatları Şveśiyadağı “PKK” skandalı belän bäyle bularaq cinayät êşeneñ quzğatıluı öçen möräcäğät itte
İlbaşı Ärdoğannıñ advokatı Xösäyın Aydın Şveśiya başqalası Stokgol’mda “PKK/YPG” separatist terror oyışması tarafdarlarınıñ Türkiyä Däwlät başlığın nişan itep alğan terror propagandası belän bäyle bularaq belderü yasadı.
Xösäyın Aydın ütkärelgän uram cıyını belän bäyle bularaq Änkara Cömhüriyät baş prokuraturasına cinayät’ eşeneñ quzğatıluı öçen möräcäğät itelüen belderde.
Aydın sośial’ media akkauntınnan yasağan belderüendä:
"Stokgol’m şähärendä “PKK” terror oyışması tarafınnan oyıştırıluı añlaşılğan uram cıyınnarı waqıtında İlbaşıbıznı nişan itep alğan häm cinayät’ täşkil itüçe ğamällär arqasında gäyıplelärgä qarata tikşerüneñ başlatıluı taläbe belän Änkara Cömhüriyät baş prokuraturasına möräcäğät itelde,” – dip äytte.
Başqala Stokgol’mda tarixi şähär xakimiyäte binası aldında cıyılğan “PKK/YPG” separatist terror oyışması tarafdarları törkeme, İlbaşı Ärdoğanğa oxşatılırğa tırışılğan qurçaqnı bina aldındağı bağanağa asıp, şuşı sürätne sośial’ mediadan urtaqlaşqan ide.
“PKK/YPG” separatist terror oyışması belän bäyläneşle sośial’ media akkauntlarınnan urtaqlaşılğan videoyazmada törekçä subtitrlar belän Türkiyäne häm İlbaşı Ärdoğannı nişan itep alğan yanawlar urnaştırılğan.
