Deportaśiya kürsätkeçläre ni söyli?

 Bıyıl Türkiyädä yaqınça 120 meñ tärtipsez möhacir deportaśiyälände.

Êçke êşlär ministrlığınıñ migraśiya idaräse beldergänçä, çiklärdä näticäle çaralar kürü näticäsendä 2022 nçe yılda 274 meñ 311 tärtipsez migrantnıñ Türkiyägä kerüe totqarlandı.

“2016 nçı yıldan ilebezgä kerüe totqarlanğan tärtipsez möhacirlär sanı 2 million 737 meñ 732 gä citte. Könçığış häm kön’yaq çiklärebezdäge migraśiya basımı, yäğ’ni zakonsız kerü omtılışı uzğan yıl belan çağıştırğanda 38%qa kimede” diyelä ministrlıq belderüendä.  

Deportaśiya operaśiyäläreneñ bar köçenä däwam itüenä basım yasalğan belderüdä bolay diyelde:” Törle il keşeläre bulu belän bergä yıl başınnan birle 119 meñ 817 tärtipsez migrant deportaśiyälände. Şulay itep äle yıl tämamlanğançı uq il tarixında iñ yuğarı deportaśiya kürsätkeçenä ireşelde. Deportaśiya küläme uzğan yılnıñ şul uq çorı belän çağıştırğanda 159%qa arttı”.

Belderüdä äytelgänçä, 2016 nçı yıldan alıp deportaśiyälängän tärtipsez migrantlar sanı 445 meñ 326 bulğan.

Soñğı yıllarda köçle tärtipsez migraśiya basımı astında bulğan Türkiyädä Awrupanıñ urtaça kürsätkeçennän küpkä yaxşıraq kire cibärü tormışqa aşırıldı.

“Awrupa illäreneñ deportaśiyädä uñışqa ireşü däräcäse urtaça 11% bulğanda, Türkiyädä bu kürsätkeç 70% täşkil itte” diyelä êçke êşlär ministrlığı belderüendä.

Şulay uq 24 meñ 451 çit il keşesen deportaśiyäläw prośeduralarınıñ däwam itüe citkerelde.