Ärdoğannan: “Ronaldumı, Messimi?” dip soradılar
Türkiyä ilbaşınıñ yäş'lär belän oçraşuında futbol teması da kütärelde
1923581
Türkiyä ilbaşı Räcäp Tayyip Ärdoğan Ärzurum töbägendä yäş’lär belän oçraştı. Äñgämä waqıtında futbol belän qızıqsınuı bilgele bulğan Ärdoğannan: “Kriştianu Ronaldumı, Lionel Messimi?” dip soradılar.
Türkiyä liderı bolay dip cawap birde: “Ronaldunı sarıf ittelär. Ronaldunı, qızğanıçqa, säyäsi sankśiyägä duçar ittelär häm Ronaldu şikelle futbolçını uyınnıñ 2nçe yartısında 15 minutqa, yartı säğat’kä kertü anıñ psixologiyäsen dä, ênergiyäsen dä nindi xälgä kiterä? Beterde. Fälästin däğ’wasın yaqlawçı keşe ul Ronaldu”.
Ärdoğan 37 yäş’lek yoldız futbolçınıñ kiläçäge turında da süz äytte: “Ronaldu, miña ireşkän mäğ’lümatlarğa qarağanda, Soğud Ğaräbstanına kitä”.
