Akar: “Bez dialogqa yabıq tügel”

Hulusi Akar matbuğat organnarınıñ Änkara wäkilläre belän oçraşqan cıyılışta ministrlığınıñ ber yıllıq êşçänlegen bäyäläde.

1nçe ğıynwardan birle çik buylarında 256 meñ 199 keşeneñ kerüeneñ totqarlanuın, totqarlanğan 8 meñgä yaqın tärtipsez (qanunsız) migrant belän 820 terrorçınıñ iminlek köçlärenä tapşırıluın äytte.

Terrorçılıq belän köräşkä tuqtalıp uzuçı Akar: "Çişeleş barışı betkän waqıttan (2015) bügengä çaqlı ildä, Ğıyraqnıñ häm Süriyäneñ tön’yağında tuplam 37 meñ 285, bıyıl isä 3 meñ 982 terrorçı täêsirsez xälgä kiterelde,” – dip äytte.

Akar Ğıyraqnıñ tön’yağında 17nçe aprel’dä başlatılğan “Pänçä-Kilit” xäräkäte qısalarında isä 506 terrorçınıñ täêsirsez xälgä kiterelüen belderde.

Akar Süriyäneñ tön’yağındağı terror tämeklärenä qarşı ütkärelgän operaśiyälär belän dä Türkiyäneñ kön’yağında buldırılırğa telängän terror koridorınıñ totqarlanıluına basım yasadı.

Ägäy häm Könçığış Urta diñgezdäge täräqqıyätlärne dä bäyäläwçe Akar Türkiyäneñ böten yaxşı niyätle, çınlıqçı häm êçkersez totışlarına qaramastan Greśiyanıñ kiyırenkelekne arttrıruçı qotqı saluğa, agressiv ğamälläre häm süzläre belän xoquq tanımawçı totışına däwam itüen, NATOnıñ bu kirebetkänlekne tuqtatunıñ inde waqıtınıñ citüen äytte.

Akar, garantiya häm İttifaq kileşüläre qısalarında moñarçı bulğanı kebek bügen dä Kipr törek xalqı belän bergä bulırğa däwam itäçäklären belderep: "Kipr – bezneñ milli mäs’äläbez. Kipr mäs’äläsendä suveren, tigez, bäysez ike däwlät turında süz alıp barabız. Monnan arı mäs’älä bu däwlätneñ tözelüe tügel, tözelgän bu däwlätneñ tanıluı mäs’äläse,” – dip iskärtep uzdı.

İlbaşı Ärdoğan alıp barğan aktiv diplomatiya näticäsendä Qara diñgez aşlıq koridorına da tuqtalıp uzuçı Hulusi Akar bügengä çaqlı Ukraina portlarınnan yaqınça 15 million tonna aşlıqnıñ moxtac bulğan illärgä qurqınıçsız räweştä citkerelüen belderde.

Milli saqlanu ministrı Akar Türkiyä, Süriyä häm Rusiyä saqlanu ministrları arasında buluı ixtimal öç yaqlı söyläşülär belän bäyle bularaq ta: "İlebezneñ xaq-xoquqların häm mänfäğätlären saqlaw öçen här däräcädä tiyışençä başqarıluı zarur bulğannar yasala. Söyläşülärne, dialognı berqayçan da iğ’tibarsız qaldırmıybız. Bez dialogqa yabıq tügel,” – dide.

Amerika Quşma Ştatları belän 40 “F-16 Viper” oçqıçı belän täêmin itelüe häm 79 oçqıçnıñ da modernizaśiyäse êşçänlegeneñ däwam itüen citkerüçe Akar AQŞ tarafınnan mäs’äläneñ uñay xäl itelüen kötülären äytte.