Çavuşoğlu Rusiyä ilçese Karlovnı iskä aldı

Türkiyä Tışqı êşlär ministrı Mäwlüt Çavuşoğlu Rusiyäneñ Änkara ilçese Andrey Karlovnıñ üterelüeneñ 6 yıllığında: "İke il liderınıñ ütä kürüçänlege häm oyışmalarıbıznıñ êşçänlege bu tozaqnı cimerde. Waqıyğanı qıluçılar da xökem çığaru organnarı aldında xisap birdelär häm xaq itkän cäzalarğa xökem iteldelär”, - dip äytte.

Rusiyäneñ “Sputnik” media organına açıqlawlar yasawçı Çavuşoğlu Karlovnıñ Türkiyä-Rusiyä mönäsäbätlärenä möhim xezmätlär başqarğan täcribäle diplomat bularaq törek xalqınıñ mäxäbbäten yawlawın belderde.

Karlovnıñ Türkiyä-Rusiyä duslığına kertkän öleşläreneñ härwaqıt xäterlänäçägenä basım yasawçı Çavuşoğlu: "Bu waqıyğadan soñ 6 yıl uzdı. Bu höcümneñ xörmätle Karlov şäxesendä törek-rus duslığın nişan itep aluı monnan arı belengän çınbarlıq. İke il liderınıñ ütä kürüçänlege häm oyışmalarıbıznıñ êşçänlege bu tozaqnı yuqqa çığardı. Waqıyğada gäyıplänüçelär dä xökem itü organnarı aldında xisap birdelär häm xaq itkän cäzalarğa xökem iteldelär,” – dip äytte.

Karlovnıñ iñ möhim tırışularınıñ berseneñ Türkiyä-Rusiyä mönäsäbätlären här ölkädä üsterü buluına işarät itüçe Çavuşoğlu:

"Bez dä xezmättäşlegebezne häm dialogıbıznı üsterergä däwam itäbez. Xalıqlarıbıznıñ teläge häm urtaq mänfäğätlär nigezendä bu yünäleştäge tırışularıbıznı arttırıp däwam itäçäkbez. Şuşı forsattan faydalanıp xörmätle ilçeneñ qayğılı ğailäse häm yaqınnarı belän bergä Rusiyä xalqınıñ häm däwläteneñ qayğısın qabat urtaqlaşam. Tulı wäqalätle ilçe Karlovnı xörmät belän iskä alam. Xozur êçendä yatsın," – dide.

Karlov 2016nçı yılnıñ 19nçı dekabr’ könne Rusiyäneñ Änkara ilçelege belän Çankaya cirle xakimiyäteneñ xezmättäşlege belän oyıştırılğan "Säyäxätçe küzläre belän Kaliningradtan Kamçatkağa Rusiyä" temalı fotokürgäzmädä açış çığışın yasağan çaqta “Fätullahçı” terror oyışması äğ’zase poliśiya xezmätkäre Mäwlüt Märt Altıntaş tarafınnan oyıştırılğan qorallı höcümdä häläq bulğan ide.