Ärdoğan: “Törki investiśiya fondın iñ qısqa waqıtta tormışqa aşıru faydalı bulır”
İlbaşı Räcäp Tayyip Ärdoğan: "Törki investiśiya fondı”nıñ mömkin bulğan iñ qısqa waqıtta tormışqa aşırıluı faydalı bulır”, - dide
İlbaşı Ärdoğan Üzbäkstannıñ Sämärqand qalasında oyıştırılğan Törki däwlätlär oyışması däwlät häm xökümät başlıqlarınıñ 9nçı sammitında qatnaştı.
Ärdoğan biredä yasağan çığışında: "Xaqlı köräşendä bulğanı kebek tınıçlıq êzlänülärendä dä bez Azärbaycan belän bergä,” – dip äytte.
Ärdoğan, "Ukrainada (Rusiyä belän) 9 ay buyı däwam itüçe bäreleşlärneñ ğadel tınıçlıq belän tögällänüe öçen tırışlıq kürsätäbez, azıq-tölek krizisın totqarlaw öçen dä kiräkle çaralar küräbez,” – diyıp:
"Bez 2014nçe yıldan birle dönyada iñ küp qaçaqlarnı qabul itüçe il. Yaqınça 5 million cäberlängänne qunaq itäbez. Tärtipsez migraśiyanı totqarlaw häm idarä itü ölkäsendä xezmättäşlegebezne arttıruıbız, bu qısada urtaq iminlek konśepśiyasın qamilläşterüebez bik urınlı bulır,” – dip belderde.
Türkiyä Däwlät başlığı ayıruça Törki investiśiya fondınıñ mömkin bulğan iñ qısqa waqıtta tormışqa aşırıluınıñ faydalı bulaçağın iskärtep uzdı.