“Türkiyä tulı bäysezlek ışanuı belän mäñge yäşäyäçäk”

Türkiyä İlbaşı Räcäp Tayyip Ärdoğan Mostafa Kemal’ Atatörekne wafat buluınıñ 84 yıllığında sośial’ media akkauntınnan säğät 09.05tä urtaqlaşqan yazması belän iskä aldı.

İlbaşı Ärdoğan yazmasında: "Bäysezlek köräşebezneñ särğaskäre, Cömhüriyätebezgä nigez saluçı Gazıy Mostafa Kemal’ne mäñgelekkä küçüeneñ 84 yıllığında xörmät, yarlıqaw häm räxmät belän iskä alam," – dip äytte.

Törkiyä Böyık Millät Mäclese Başlığı Mostafa Şäntop ta yasağan belderüendä Törkiyä Böyık Millät Mäcleseneñ berençe başlığı, milli köräşneñ särğaskäre, berençe Däwlät başlığı Gazıy Mostafa Kemal’ Atatörekne wafat buluınıñ 84 yıllığında böten millät bularaq räxmät belän iskä aluların citkerep:

"Milli barlığıbıznı mäñgelekkä qadär xör häm bäysez bularaq däwam itterü yulında ziräklek häm batırlıq belän qarar qabul itkän Gazıy Mostafa Kemal’ Atatörek bezgä “iñ zur äsäre” Cömhüriyätne miras itep qaldırdı. Türkiyä Cömhüriyäte millätebezneñ qaqşamas berdämlege häm daimi tulı bäysezlek ışanuı belän mäñge yäşäyäçäk”, - dip belderde.

Şäntop: "Äsirlekkä başın iymägän millätneñ balası häm lider bularaq Atatörekneñ häm qaharman yul iptäşläreneñ bezgä amänät itep qaldırğan cawaplılıqlarınıñ añ-beleme belän häm milli köräş ruxınıñ êzendä bez tağın küp ğasırlar bergä yöriyäçäkbez,” – dip äytte.