Türkiyä citäkçeläre Azärbaycannıñ Ciñü könen qotladı
İlbaşı Räcäp Tayyip Ärdoğan Qarabaxnıñ iregen yañadan qaytarunıñ bilgese bulğan Azärbaycannıñ 8nçe noyabr’ Ciñü könen täbrik itte
Ärdoğan sośial’ media akkauntınnan urtaqlaşqan yazmasında: "Legendar köräş alıp barılğan 44 könnän soñ Qarabaxnıñ iregen yañadan qaytarunıñ bilgese bulğan Azärbaycannıñ 8nçe noyabr’ Ciñü könen çın küñelemnän qotlıym. Qarabax Azärbaycandır häm gel Azärbaycan bulıp qalaçaq”, - dip belderde.
İlbaşı urınbasarı Fuat Oktay da sośial’ media akkauntınnan urtaqlaşqan yazmasında: "Can Azärbaycannıñ 8nçe noyabr’ Ciñü köne qotlı bulsın. Legendar ciñü belän Qarabaxnı yanadan irekkä qawıştırğan böten şähitlärebezne Allahınıñ yarlıqawı belän, qaharman ğazıylärebezne (veterannarıbıznı) räxmät belän iskä alam. Asılıbız ber, şiğarebez ber millät, ike däwlät”, - dide.
Törkiyä Böyık Millät Mäclese Başlığı Mostafa Şäntop isä Ciñü bäyräme mönäsäbäte belän Azärbaycan Milli Mäclese başlığı Sahibä Gafarovağa täbrik xatın cibärde.
Şäntop qotlawnamäsendä: "Qardäş Azärbaycan xalqı öçen xaqlı ğorurlıq çığanağı bulğan häm Türkiyä belän bergä törki dönyanı söyındergän ciñüegez qotlı häm daimi bulsın”, - dip äytte.
"Ber millät, ike däwlät" şiğare nigezendä salınğan mönäsäbätlärneñ tağın da köçäytelüe yünäleşendäge iradäne här forsatta uñışlı räweştä tormışqa aşırudan şat buluın belderüçe Şäntop:
"Aldıbızdağı çorda da illärebezneñ yaqın xezmättäşlegeneñ töbägebezdä häm ar’yağında tınıçlıqqa, mullıqqa häm totrıqlılıqqa möhim öleş kertäçägenä çın küñelemnän ışanam. Batırlıqları häm fidaqarlıqları berqayçan da onıtılmayaçaq ğaziz şähit qardäşlärebezgä dä böyık Allahtan yarlıqaw sorıym, qaharman gazıylärebezne räxmät belän iskä alam”, - dip belderde.
