Türkiyä ilbaşı urınbasarı Qarabaxnıñ simvolik şähäre Şuşada buldı
Fuat Oktay Türkiyäneñ basıp alu häm suğış çorındağı kebek, Qarabaxnı tözekländerü, torğızu çorında da Azärbaycannıñ yannda buluın, aña yärdäm qulı suzuına basım yasadı
Türkiyä ilbaşı urınbasarı Fuat Oktay Azärbaycan armiyäse Ärmänstan yawınnan azat itkän Qarabaxnıñ simvolik şähäre Şuşağa säfär qıldı.
Ul Şuşadağı tarixi urınnarnı häm mädäni baylıqlarnı qaradı.
Fuat Oktay Azärbaycan prem’yer-ministrı Ali Äsädov belän ürtkärgän urtaq matbuğat oçraşuında Şuşada ber millät bulunıñ närsä añlatqanın tağın ber tapqır sizgänen äytte.
Oktay Türkiyäneñ basıp alu häm suğış çorındağı kebek, Qarabaxnı tözekländerü, torğızu çorında da Azärbaycannıñ yannda buluın, aña yärdäm qulı suzuına basım yasadı.
Fuat Oktay Azärbaycandağı oçraşularğa tuqtalıp, qatnaş iq’tisadi komissiya cıyılışı belän ike yaqlı mönäsäbätlärneñ iq’tisadi häm säwdä asqormasın, xezmättäşlekneñ yul kartasın yañartuların häm möhim qararlar qabul itülären belderde.
Azärbaycan prem’yer-ministrı Äsädov Türkiyä belän Azärbaycan arasında bik yaxşı duslıq, qardäşlek häm berlektäşlek mönäsäbäte buluın assızıqladı.
“Şuşa deklaraśiyäse - ike il arasındağı mönäsäbätlärneñ iñ yuğarı noqtası. Deklaraśiya bezneñ mönäsäbätlärne strategik berlektäş däräcäsenä kütärde. Bez 44 könlek Watan suğışınıñ berençe mizgellärennän Azärbaycan däwläte häm xalqına teläktäşlek beldergän Türkiyä ilbaşı Ärdoğan häm törek xalqına räxmätle. Bez bu yärdämne berqayçan da onıtmayaçaqbız” ,- dide Äsädov.
