"İlebezdä xatın-qızlarnıñ cäber-zolımğa duçar buluın häm ğomeren yuğaltuın qabul itä almıybız”

Türkiyä ilbaşı Räcäp Tayyip Ärdoğan İstanbulda uzğan 5 nçe Xalıqara xatın - qızlar häm ğadellek sammitında çığış yasadı.

“Bez berqayçan da ilebezdä ber genä xatın–qıznıñ da, xatın–qız bulğanı öçen cäber-zolımğa duçar buluın häm ğomeren yuğaltuın qabul itä almıybız”, - dide ilbaşı üz çığışında.  

Ärdoğan älege temağa qağılışlı 2021-2025 Çaralar planı turında bolay dide: “Plan xatın-qızlarıbıznı fizik köç qullanudan tış alarnıñ namusına häm däräcäsenä höcümnärdän dä saqlawnu maqsat itep quya”.