Türkiyäneñ “TOGG” avtomobileneñ citeşterü êşxanäse açıldı
Türkiyäneñ avtomobile “TOGG”nıñ citeşterü nığıtması bulğan Bursa Gämlik êşxanäseneñ açılışı İlbaşı Räcäp Tayyip Ärdoğan tarafınnan yasaldı
“TOGG” maşinasınıñ berençese İlbaşı Ärdoğan qatnaşında Türkiyä Cömhüriyäteneñ 99 yıllığında êşxanädän êşläp çığarıldı.
“TOGG” Gämlik şähärçege küp sanda cirle häm çit il qunaqlarnı qabul itte.
Bursanıñ Gämlik ilçäsendäge êşxanä mäydanına kilgän qatnaşuçılar foye zalında täq’dir itelgän 4nçe İlbaşı Cämal Gürsälneñ boyırığı belän 1961nçe yılda êşläp çığarılıp Türkiyäneñ cirle avtomobil macarasın başlatqan "Dävrim" avtomobile belän “TOGG”nıñ C-SUV häm sedan modele maşinalarına zur iğ’tibar kürsätte.
Yıl axırına qadär robotlar belän massaküläm citeşterü başlanaçaq êşxanädä 2030ğa qadär ber platformadan 5 törle model belän tuplam 1 million danä maşinanıñ êşläp çığarıluı planlaştırıla.
“TOGG” yuğaru däräcäle citäkçese Gürcan Qarakaş açılış aldınnan yasağan belderüendä: "4 yıl yarım däwam itkän tırışuıbıznıñ axırına kilep cittek, bez bik bäxetle. Global’ külämdä köndäşlek öçen bez äzer”, - dip äytte.
“TOGG” 2023nçe yılnıñ berençe çiregendä bazarğa täq’dim iteläçäk tuıştan êlektrlı berençe aqıllı cihaz “C SUV”ta "Türkiyäneñ tösläre”n qullanuçıları belän oçraştıraçaq.
Türkiyäneñ aqıllı avtomobile “TOGG” "Anadolu", "Gämlik", "Oltu", "Kula", "Kapadokiya" häm "Pamukkalä" isemnären yörtüçe "Türkiyäneñ tösläre” belän yullarda bulaçaq.