Bartında faciğa

Bartınnıñ Amasra rayonında ber şaxtada barlıqqa kilgän şartlawda 40 keşeneñ ğomere özelde.

Törkiyädäge Taşkömürü oyışmasına bäyle şaxtada kiçä Törkiyä waqıtı belän 18.15tä şartlaw barlıqqa kilde.

Şartlawdan soñ töbäkkä küp sanda aşığıç yärdäm kürsätüçe, yanğın sünderüçe häm qotqaru törkeme cibärelde.

Sälamätlek saqlaw ministrı Faxrettin Koca şartlawda 40 şaxtyernıñ yaqtı dön’yadan kitüen, 11 yaralanğan şaxtyernıñ da xastaxanägä salınuın belderde.

Waqıyğadan soñ töbäkkä yul toqan Êçke êşlär ministrı Söläyman Soylu şartlaw waqıtında şaxtada 110 êşçeneñ buluın, 58eneñ qotqarıluın belderde.

Ministr Soylu belän töbäkkä kitkän Ênergetika häm tabiğıy çığanaqlar ministrı Fatix Dönmez isä şaxtada barlıqqa kilgän şartlawnıñ grizu şartlawına oxşawın äytte.

Waqıyğa belän bäyle tikşerü başlatıldı.

Bügenge programmaların ğamäldän çığarğan Türkiyä ilbaşı Räcäp Tayyip Ärdoğan Bartınğa barıp, êzläw-qotqaru êşçänleklären citäkläyäçäk.

Ärdoğan soŝial’ mediadağı akkauntında da bolay dip yazdı: “Bartınıbıznıñ Amasra rayonında barlıqqa kilgän şartlawda ğomere özelgän qardäşlärebezgä Allaxı Täğalädän yarlıqaw, yaqınnarına sabırlıq, yaralanğan qardäşlärebezgä dä şifalar telim.”