Bar dön'ya Türkiyäneñ qayğısın urtaqlaşa

Bartınnıñ Amasra rayonındağı şaxtada barlıqqa kilgän şartlawda ğomere özelüçelär öçen qayğınamä yullamaları kilä.

Azärbaycan däwlät başlığı İlham Aliyev, Tön’yaq Kipr Törek Cömhüriyäte ilbaşı Êrsin Tatar, Rusiyä prezidentı Vladimir Putin faciğada ülüçelär öçen qayğı belän urtaqlaştı.

Şulay uq Ukraina ilbaşı Vladimir Zelenskiy, Qazaqstan liderı Qasıym-Cumart Toqayev, Gruziya däwlät başlığı Salome Zurabişvili, prem’yer-ministrı İrakli Garibaşvili häm tışqı êşlär ministrı İlia Darçiaşvili, Paqıstan prem’yerı Şahbaz Şerif, Belarus' ilbaşı, Awrupa Berlege Şurası başlığı, Awrupa Şurası ğomüm särqätibe, Greŝiya prem'yer-ministrı, Franŝiya tışqı êşlär ministrı, Niderland tışqı êşlär ministrı, Qatar Ämire Şäyeh Temim bin Hamed Al Sani, Yordaniya tışqı êşlär ministrlığı, Oman tışqı êşlär ministrlığı, Türiyädäge çit il missiya wäkilläre dä ta şartlawda yaqtı dön’yadan kitüçelär öçen qayğınamä yullamasın cibärde.