Şäntopnıñ İndoneziya oçraşuları
Türkiyä Böyık Millät Mäclese başlığı Mostafa Şäntop G20 Parlament başlıqları sammitında qatnaşu öçen kitkän İndoneziyada bu ilneñ Parlamentlarara berlek başlığı Duerte Pacheco belän küreşte
Mostafa Şäntop İndoneziya oçraşuları qısalarında PAB Parlamentlarara berlek Başlığı Duerte Pacheco belän küreşep söyläşte.
Şäntop oçraşu waqıtında, turıdan-turı xalıqnıñ wäkile bulğan parlamentlarnıñ berençe wazıyfasınıñ xalıqlarnıñ kiläçäkkä tınıçlıq, xozur häm mullıq êçendä ireşüenä yärdäm itü buluına basım yasap, 24nçe fevral’dän birle däwam itüçe Ukraina-Rusiyä suğışına häm suğışnıñ yoğıntılarına iğ’tibarnı yünältte.
Şäntop: “Türkiyä baştan birle (Rusiyä häm Ukraina) liderların oçraştıru öçen tırışlıq kürsätä. Minemçä, cämäğätçelekkä yasağan belderülärdän ayırmalı bularaq qayber illär suğışnıñ betüen bik telämi”, - dip äytte.
PAB Başlığı Duerte Pacheco da, İlbaşı Räcäp Tayyip Ärdoğannıñ problemanıñ çişeleşe öçen kürsätkän tığız tırışuınıñ möhimlegenä iğ’tibarnı yünältep, räxmät äytte.
Şäntop da uñay süzläre öçen Pachecoğa räxmätlären citkerde.
Annan soñ Türkiyä parlamentı başlığı Mostafa Şäntop häm yanındağı parlament wäkillege G20 Parlament başlıqları sammitında qatnaşu öçen kitkän İndoneziya başqalası Cakartadan kitte.
