Çavuşoğlunıñ N’yu-Yorktağı diplomatiya xäräkäte
BMOnıñ 77nçe Ğomum şura söyläşüläre qısalarında tığız diplomatiya xäräkäten alıp baruçı Türkiyä Tışqı êşlär ministrı Mäwlüt Çavuşoğlu AQŞnıñ N’yu-York qalasında küp sanda ike yaqlı söyläşülär ütkärde
Awstraliya tışqı êşlär ministrı Penny Wong häm Pol’şa tışqı êşlär ministrı Zbigniew Rau belän ayırım-ayırım küreşkän Çavuşoğlu Êstoniyalı wazıyfadaşı Urmas Reinsalu häm Malayziya tışqı êşlär ministrı Saifiddun Abdullah belän dä oçraştı.
Çavuşoğlunıñ ike yaqlı söyläşülär ütkärgän wazıyfadaşları arasında İrlandiya tışqı êşlär häm saqlanu ministrı Simon Coveney, Moldova tışqı êşlär ministrı Nicu Popescu, Gvineya tışqı êşlär, xalıqara xezmättäşlek, Afrika integraśiyası häm çit illärdäge gvineyalılar ministrı Morrisanda Kouyate da bar.
Şveśiya häm İordaniya tışqı êşlär ministrları qabul itkän Berläşkän Millätlär Oyışması Yaqın Könçığıştağı fälästinle qaçaqlarğa yärdäm häm cämäğät êşläre agentlığı (UNRWA) cıyılışında da qatnaşqan Mäwlüt Çavuşoğlu Livan tışqı êşlär ministrı Abdallah Bou Habib, Êfiopiya Baş ministr urınbasarı häm tışqı êşlär ministrı Demeke Mekonnen häm Aljir tışqı êşlär ministrı Ramtane Lamamra belän dä küreşep söyläşte.
Bäyläneşle xäbärlär
"Togg" Germaniyädä satuğa çığaçaq
Sänäğat’ häm texnologiyä ministrı Mäxmät Fatix Kacır "Togg" avtomobile belän bäyle belderülär yasadı
