İlbaşı Ärdoğannıñ AQŞtağı oçraşuları

Ärdoğan BMO 77nçe Ğomum şurası ütkärelgän N’yu-Yorkta Törek yortında oçraşuların däwam itterde.

İlbaşı Ärdoğan Tön'yaq Kipr Törek Cömhüriyäte İlbaşı Ärsin Tatar, Awstriya İlbaşı Van der Bellen häm Pol’şa İlbaşı Andrzej Duda belän oçraştı.

Ärdoğan soñınnan Amerikalı senator James Risch, Livan Baş ministrı Näcip Mikati häm Angliya Baş ministrı Liz Truss belän küreşep söyläşte.

Söyläşülär matbuğatqa yabıq ütkärelde.

Annan soñ SETA säyäsät, iq’tisad häm cämğıyät tikşerenüläre waqıfı tarafınnan Törek yortında oyıştırılğan tügäräk östäl cıyılışında qatnaşqan İlbaşı Ärdoğan DEİK Tışqı iq’tisadi mönäsäbätlär şurasınıñ Türkiyä-AQŞ êş şurası tarafınnan oyıştırılğan aş mäclesendä yasağan çığışında isä Türkiyä belän Amerika Quşma Ştatlarınıñ nigezle bağlanışlarğa iyä ike dus il, berlektäş häm strategik urtaq buluın belderde.

İke il arasındağı küp yaqlı xezmättäşlekneñ dönyanıñ şaqtıy töbägendä tınıçlıq häm totrıqlılıq urnaştırıluına zur öleş kertüen iskärtep uzuçı Ärdoğan Ukrainadan Balkanğa, Yaqın Könçığıştan Afrikağa qadär kiñ geografiyada, ênergetikadan azıq-tölek qurqınıçsızlığına qadär şaqtıy mäs’älädä oxşaş qaraşlarğa iyä buluların äytte.

Ärdoğan Berläşkän Millätlär Oyışmasınıñ 77nçe Ğomum şurası (general’ assambleyası) oçraşuların tögälläp Türkiyägä xäräkät itte.