Greśiyä qaçaqlarnı talap ülemgä duçar itä
Köymäläre tartıp alınıp diñgezdä taşlap qaldırılğan 2 bäbäy, 3 bala häm 1 xatın-qız üle kileş tabıldı
Greśiyä köçläre tarafınnan Êgey diñgezendä Türkiye kontinental’ sularına kire êtelgän qaçaqlar arasındağı 2 bäbäy, 3 bala häm 1 xatın-qız hälaq buldı.
Türkiye yar buyı iminlege komandalığınnan yasalğan belderügä qarağanda, kiçä Marmarisnıñ Qızılborın tiräsendä qotqaru sallarında ber törkem qaçaq barlığı turında mäğ’lümat kilä. 2 iminlek köymäse alar yanına kitä. Törkemnär 3 salğa utırğan 66 qaçaqnı qotqara.
Êzläw-qotqaru êşçänlege näticäsendä yartılaş batqan tağın ber salda 7 qaçaq qotqarıla. Qızğanıçqa, 6 keşeneñ cansız gäwdäsen genä tabalar. Alarnıñ 2se bäbäy, 3e bala häm berse xatın-qız.
Qaçaqlarnı soraştırudan soñ şul añlaşıla: bu keşelär İtaliyägä baru öçen 10nçı sentyabr’dä Livannan 15 metr ozınlığındağı ağaç köymägä utırıp yulğa çıqqan. Kiçä Rodos utrawı tiräsendä yağulıqları betä häm alar Greśiyä iminlek köçlärenä yärdäm sorap möräcäğat’ itä. Tik grek “qotqaruçılar” alarnıñ qıymmätle äyberlären ala häm 4 salğa utırtıp dingezgä taba êtä.
