Türkiye “Qızılay” oyışmasınnan Çadqa yärdäm

Türkiye “Qızılay” oyışması Çadta köçle yañğır arqasında su basudan zıyan kürgännärgä 500 azıq-tölek häm 500 material’ yärdäm cıyılmaları tarattı.

Başqala Ndjamenada yärdäm paketların tapşıru tantanasında Türkiyeneñ Çadtağı tulı wäqalätle ilçese Kämal Kaygısız häm başqa bäyläneşle räsmi zatlar qatnaştı.

İlçe Kaygısız biredä yasağan çığışında Türkiye häm Çad xalıqları arasındağı bäyläneşneñ nıq häm alarnıñ mädäniyätläreneñ oxşaş buluın äytte.

 Ul Çadnıñ Türkiyeneñ möhim häm strategik partnyerı buluın assızıqlap:“ Türkiye ictimaği oyışmaları Çadqa üzlärennän daimi räweştä öleş kertä”,- dide.

Cirle xakimiyät başlığı Yosıf Maxamat Yaro Türkiyegä häm “Qızılay” oyışmasına yärdämnäre öçen räxmät belderde.

Çadta iyül’ ayınnan birle däwam itkän köçle yawım - töşemnär arqasındağı su basuda 20 keşe ğomeren yuğalttı, 400 meñnän artıq keşe tabiği afättän zıyan kürde.