Stoltenberg Törkiyägä räxmät belderde

NATO ğomum särqatibe Yens Stoltenberg aşlıq krizisınıñ çişeleşendä rol’ uynawı öçen Törkiyägä räxmät äytte. Ul Ukrainadan azıq-tölekne çığaru prośessı turında sośial’ media aşa belderü yasadı.

Stoltenberg berençe korabnıñ, kileşü qısalarında, Odessadan quzğaluına iğ’tibarnı cälep itä. “Berlektäşebez Törkiyägä bu êştäge ähämiyätle role öçen räxmät belderäm,”-di ul.

Törkiyä milli saqlanu ministrı Xulusi Akar bügen irtän Ukrainanıñ Odessa portınnan aşlıq töyälgän täwge korabnıñ quzğaluın belderde. Livannıñ Tripoli portına barırğa tiyeşle “Razoni” korabı irtägä İstanbulda bulaçaq.