“Monnan soñğı korablar da oxşaş räweştä bernindi özekleksez däwam itäçäk"

Törkiyä milli saqlanu ministrı Xulusi Akar Ukrainanıñ Odessa portınnan aşlıq töyägän korablar çığuın däwam itäçägen belderde. Ul Anadolu agentlığınıñ redakśiyäsendä qunaq bulıp sorawlarğa cawap birde.

Ministr täwge korabnıñ yulğa çığuın äytep: “Monnan soñğı korablar da oxşaş räweştä bernindi özekleksez däwam itäçäk,”-dide.

Xulusi Akar täwge yökneñ irtägä Törkiyä waqıtı belän säğat’ 15lär tiräsendä İstanbul buğazında bulaçağın belderde. Ul yakor’ atuğa koordinaśiyä üzäge delegaśiyäse barıp yökne kontrol’ itäçäk. Älege protokol barlıq korablar öçen dä berdäy kertelä.

Akar dön’yaküläm azıq-tölek krizisınıñ migraśiyägä dä êtärgeç biräçäk noqtağa kilüen belderde. “Afrikadan Awrupağa häm Törkiyägä citdi migraśiyä dulqının kiterä ala. Çişeleşkä taba baruı ähämiyätle,”-dide ul. Ministr Rusiyä portlarında da azıq-tölek häm törle ximikatlar barlığın äytte. “Bolarnı taşu bezneñ êşçänlek tışındağı mäs’älä, ämma Törkiyä isemennän öleş kertä alsaq, qanäğat’ bulırbız,”-dide Xulusi Akar.