Madrid dürt yaqlı sammitınıñ urtaq beldergese

Törkiyä İlbaşı Räcäp Tayyip Ärdoğan, Finlyandiya Däwlät başlığı Sauli Niinistö, Şveśiya Baş ministrı Magdelena Andersson häm NATO Ğomum särkätibe Yens Stoltenberg dürt yaqlı söyläşüdä oçraştı.

Matbuğatqa yabıq ütkärelgän söyläşüdän soñ Törkiyä, telägänen alıp, citdi qazanışlarğa ireşte.

Törkiyä, Şveśiya häm Finlyandiya arasında Finlyandiya belän Şveśiyanıñ NATO äğ’zalek barışları turında öç yaqlı memorandum tışqı êşlär ministrları tarafınnan imzalandı.

Urtaq beldergedä: "Finlyandiya häm Şveśiya böten terror oyışmalarınıñ Törkiyägä qarşı yasağan höcümnären açıqtan-açıq häm anıq räweştä gäyıpli. Finlyandiya häm Şveśiya “PKK” häm başqa böten terror oyışmalarınıñ häm bäyläneşle şäxeslärneñ êşçänlegen totqarlaw yöklämäsen üz östenä ala”, - dip äytelde.

Telgä alınğan şuşı 3 ilneñ terror oyışmalarınıñ êşçänlegen totqarlaw maqsatınnan çığıp üzara xezmättäşlekne arttıru qararına kilüe äytelgän beldergedä Finlyandiya belän Şveśiyanıñ, Törkiyä täêmin itkän mäğ’lümatne, dälilne häm küzläw materialların iğ’tibarğa alıp, terrorçılıqta şiklänüçelärgä qarata deportaśiya yäki qaytaru taläplären tiz qarap çığaçağı, “PKK” häm böten bäyläneşle törkemnäreneñ aqça cıyu häm suğışçı tabu êşçänlege belän bäyle tikşerü başlataçağı häm bolarnı tıyaçağı iskärtelep uzıldı.

Urtaq beldergedä NATOnıñ açıq qapqa säyäsäten yaqlawın raslawçı Törkiyäneñ Madrid sammitında Finlyandiya belän Şveśiyanıñ NATO äğ’zalege öçen çaqırıluın xuplawı citkerelde.

Bulaçaq NATO berlektäşläre bularaq Finlyandiyanıñ häm Şveśiyanıñ “PYD/YPG” häm Törkiyädä “FETÖ” bularaq bilgele bulğan oyışmağa yärdäm täêmin itmäyäçäklärenä basım yasalğan beldergedä Şveśiyanıñ yaña häm tağın da täêsirle Terrorçılıq cinayätläre qanunınıñ 1nçe iyül’dä köçenä keräçäge häm xökümätneñ terrorçılıq belän köräş qanunnar cıyılmasın küätländeräçäge iskärtelep uzıldı.

Beldergedä Törkiyä, Finlyandiya häm Şveśiyanıñ üz aralarında monnan arı bernindi milli qoral êmbargosınıñ bulmawın raslawları iğ’lan itelde.