Çavuşoğlunıñ Balkan säfäre däwam itä
Törkiyä Tışqı êşlär ministrı Mäwlüt Çavuşoğlu çıqqan Balkan säfäre qısalarında Serbiya säfärennän soñ Tön’yaq Makedoniyağa barıp oçraşular ütkärde
Mäwlüt Çavuşoğlu Tön’yaq Makedoniyanıñ Ohri qalasında Prespa dialog forumında qatnaştı.
Törkiyä tışqı êşlär ministrı Awrupa parlamentı xalıq ışanıçlıları häm Awrupa liberal’läre räistäşe İlhan Küçük, Awstriya tışqı êşlär ministrı Aleksander Şallenberg belän ike yaqlı söyläşülär ütkärde.
Xorvatiya İlbaşı Zoran Milanoviç belän dä küreşep söyläşkän Çavuşoğlu Törkiyä-Xorvatiya mönäsäbätlären, Bosniya-Hersegovinadağı wazğıyätne häm Ukrainadağı soñğı xällärne bäyäläde.
Çavuşoğlu forum qısalarında Qarataw (Montenegro-Çernogor’ye) Baş ministr urınbasarı häm kapital investiśiyäläre ministrı Ärvin İbrahimoviç belän dä küreşte.
Törek cämğıyäte wäkilläre belän dä oçraşqan Çavuşoğlu “Twitter” akkauntınnan urtaqlaşqan yazmasında:
“Tön’yaq Makedoniyanıñ mädäni häm iq’tisadi baylığına möhim öleş kertkän törek cämğıyäteneñ wäkilläre belän Ävlad-ı Fatixan (Balkannı ciñep aluçılarnıñ varisçıları) belän oçraştıq. İllärebez arasında duslıq küpere bulğan qawemdäşlärebez belän härwaqıt bergä bulaçaqbız”, - dip belderde.
Bäyläneşle xäbärlär
"Netan’yaxu Gitlernı könläştererlek däräcägä citte”
Törkiyä ilbaşı bu xaqta Greśiya gazetına birgän interv’yusında citkerde
