“Made in Türkiye” süztezmäse räsmiläşterelä
Törkiyäneñ xalıqara säwdädä qorurlığı bulğan tovarlar “Türkiye” süze belän tanıtılıp dön’yağa taralaçaq
1835412
Törkiyä tışqı êşlär ministrı Mäwlet Çavuşoğlu BMO äğ’zası illärdä “Türkiye” isemen qullanu mäs’äläsendä yazmaça ğariza birelüen belderde.
İlbaşı Räcäp Tayyip Ärdoğan imzası belän Räsmi gazetta çıqqan dokumentta êksport tovarlarında “Made in Turkey” urınına “Made in Türkiye” süzläre qullanıla başlanacağı citkerelä.
Şulay itep Törkiyäneñ xalıqara säwdädä qorurlığı bulğan tovarlar “Türkiye” süze belän tanıtılıp dön’yağa taralaçaq.
Älege qısalarda başqa däwlätlär häm xalıqara oyışma, berläşmälär belän räsmi mönäsäbätlärdä, här törle çara häm yazışularda markanı tanıtu öçen 'Turkey', 'Turkei', 'Turquie' häm şuña oxşaş atamalar urınına törekçä “Türkiye” süze qullanılaçaq.