Ärdoğannan Baydenğa 1915 reakśiyası
Ärdoğan: “Baydennıñ ärmännärgä qağılışlı tarixnı ğayät yaxşı öyränüe, belüe kiräk. Bolarnı belmiçä Törkiyägä qarşı torırğa tırışuın kiçerä almıybız”
Törkiyä İlbaşı Räcäp Tayyip Ärdoğan Amerika Quşma Ştatları İlbaşı Djo Baydennıñ 1915nçe yılğı waqıyğalar belän bäyle açıqlawına reakśiya kürsätep: "Xörmätle Baydennıñ ärmännärgä qağılışlı tarixnı ğayät yaxşı öyränüe, belüe kiräk. Bolarnı belmiçä Törkiyägä qarşı torırğa tırışuın kiçerä almıybız”, - dide.
Başqala Änkarada İlbaşı qolliyätendäge Kabinet cıyılışınnan soñ çığış yasawçı Ärdoğan 1915nçe yılğı waqıyğalar turında yasalğan açıqlawlarğa tuqtalıp uzdı.
"Galiśiyadan Liviyağa qadär cäyılgän kiñ geografiyada bez alıp barğan suğışlarnıñ hiç bersendä dä oyalırlıq säxnä kürä almıysız, taba almıysız," – dip äytüçe İlbaşı Ärdoğan törle illärneñ citäkçelekläre häm parlamentları tarafınnan güya ärmän raslawlarına qağılışlı sarıf itelgän belderülärneñ Törkiyä däräcäsendä bernindi xökemeneñ bulmawına basım yasadı.
Bu qısada Amerika Quşma Ştatları İlbaşı Baydennıñ 1915nçe yıldağı waqıyğalar belän bäyle açıqlawlarına da reakśiya kürsätüçe İlbaşı Ärdoğan: " Xörmätle Baydennıñ ärmännärgä qağılışlı tarixnı ğayät yaxşı öyränüe, belüe kiräk. Bolarnı belmiçä Törkiyägä qarşı torırğa tırışuın kiçerä almıybız,” – dip äytte.
Ärdoğan Baydennıñ 1915nçe yılğı waqıyğalarğa qağılışlı süzlärneñ tulısınça yalğan, yalğış mäğ’lümatlärgä nigezlängän bulğanı öçen iğ’tibar itelüenä dä xätta kiräk bulmawın iskärtep uzdı.
