Ärdoğan: “Afrikalı qardäşlärebez belän kiläçäkne bergä tözergä täq’dim itäbez”
Törkiyä İlbaşı Räcäp Tayyip Ärdoğan: “Afrikalı qardäşlärebez belän kiläçäkne bergä tözergä täq’dim itäbez”, - dip äytte
Räsmi säfär belän Senegalgä kitkän İlbaşı Ärdoğan Törkiyä-Senegal êş forumında çığış yasadı.
Törkiyä belän Senegalnıñ aralarındağı fizik yıraqlıqqa qaramastan daimi räweştä bik yaqın buluın citkerüçe Ärdoğan Könbatış Afrikada töp ähämiyätkä iyä Senegal belän mönäsäbätlärneñ bik yaxşı buluınnan şat buluların äytte.
Törek podryadçik firmalarınıñ Afrika qıytğasınıñ dürt ber yağında böten awırlıqlarğa qaramastan bik uñışlı proyıktlarnı tormışqa aşıruına basım yasawçı Ärdoğan bu proyıktlarnıñ cirle êş belän täêmin itüne küätläp, üseş aluğa häm asqorma mömkinlekläreneñ üsterelüenä möhim öleş kertüen iskärtep uzdı.
Törek firmalarınıñ bigräk tä "Üsep kilüçe Senegal planı"nda aktiv rol’ aluı belän ğorurlanuların belderüçe Ärdoğan bu şirkätlärneñ bügengä qadär Dakar hawa mäydanı, Dakar sport kompleksı, Dakar êkspo üzäge belän xalıqara bazar häm yök maşinaları parkı kebek zur proyıktlarnı uñışlı räwıştä tämamlawın iskä töşerep uzdı.
İlbaşı Ärdoğan: “Öçençe meñyıllıqnıñ Afrika çorı bulaçağı çınbarlığına nigezlänep bez äzerleklärebezne xäzerdän ük köçle qılırğa tiyeş. Afrikalı qardäşlärebezgä bez yäşägän urtaq täcribälär yassılığında kiläçäkne bergä tözergä täq’dim itäbez”, - dip belderde.
Soñınnan İlbaşı Ärdoğan häm Senegal Däwlät başlığı Mak Sall İlbaşı sarayında qara-qarşı küreşte. Annan soñ liderlar qatnaşuında ike il arasında 5 kileşügä imza salındı.
