Ärdoğan Afrika turına çığa

Törkiyä ilbaşı Räcäp Tayyip Ärdoğan irtägä 3 ilne üz êçenä aluçı Afrika turına çığa.

İlbaşı 20-23nçe fevral’ könnärendä Kongo Demokratik Cömhüriyäte, Senegal häm Gvineya-Bisauğa säfär yasayaçaq.

İlbaşı idaräseneñ êlemtä räislegennän yasalğan açıqlawğa kürä säfärlär qısalarında ütkäreläçäk räsmi söyläşülärdä ike yaqlı mönäsäbätlär bar yaqlap qaralaçaq, Törkiyä belän bu illär arasındağı xezmättäşlekneñ här ölkädä üsterelüe mömkinlekläre quzğatılaçaq.

Ärdoğan Dakarğa säfärendä ber törek şirkäte tözegän 50 meñ keşelek Dakar Olimpik stadionınıñ açılış tantanasında Senegal ilbaşı häm çaqırulı illärneñ däwlät başlıqları belän bergä qatnaşaçaq.

Törkiyä ilbaşınıñ bu qısada qatnaşuçı il liderları belän ike yaqlı söyläşülär uzdıruı da planlana. Säfär uñayınnan Dakardağı ilçelekneñ yaña binasınıñ räsmi açılışı da Törkiyä ilbaşı Räcäp Tayyip Ärdoğan tarafınnan çınğa aşırılaçaq.

Ärdoğannıñ Gvineya-Bisauğa säfäre Törkiyädän bu ilgä ilbaşı däräcäsendä berençe räsmi säfär bulaçaq.