Vatikan Törkiyägä ilçe bilgeläde
Papanı Törkiyädä polyak monsen’or Marek Sol’çinskiy wäkillek itäçäk
1772597
Katoliklarnıñ ruxani liderı häm Vatikan däwlät başlığı papa Franśisk polyak monsen’or Marek Sol’çinskiynı üzeneñ Törkiyädäge wäqalätlese bularaq bilgeläde. Ul soñğı 5 yılda Tanzaniyada apostol nunśiye, ikençe törle äytkändä papa ilçese bularaq xezmät itkän.
Vatikannan yasalğan belderügä qarağanda, 60 yäş’lek nunśiynı papa Franśisk Törkiyä öçen yaxşı kandidatura dip sanıy.
Marek Sol’çinskiy 2011dän 2017nçe yılğa qadär Vatikannıñ ber ük waqıtta Azärbaycan, Ärmänstan häm Gruziyädäge ilçese bularaq wazıyfa başqardı.
