Törkiyä-Ärmänstan arasında oçışlar başlıy

1993nçe yıldan birle çik buyı yabıq bulğan Törkiyä häm Ärmänstan arasında yıllar buyı xökem sörgän kiyerenkelek arqasında oçışlar ber transport oçqıçı belän başqarıla ide. İke il arasındağı hawa xäräkäte “Atlasjet”oyıştırğan oçış belän täêmin itelä ide. Şirkätneñ finans problemaları näticäsendä bankrot buluı arqasında 2020nçe yıldan birle reyslar yasalmıy.

Törkiyä häm Ärmänstan wäkilläreneñ qısqa waqıt êlek ütkärgän söyläşülär näticäsendä oçışlarnıñ ike yaqlı bularaq başlanuı qararına kilende.

Törkiyä belän Ärmänstan arasındağı turıdan-turı reyslarnıñ başlanuı öçen Törkiyädän “Pegasus”, Ärmänstannan “FlyOne” şirkätläre ike ilneñ grajdan aviaśiya oyışmalarına möräcäğät itkän ide.

Törkiyädän “Pegasus” hawa yulları belän Ärmänstannıñ “FlyOne” şirkäte İstanbul-Yerivan säfärlären 2nçe fevral’dä ike yaqlı bularaq başlata.

“Pegasus” düşämbe, atnakiçen (pänceşämbe) häm şimbä könnärendä İstanbul Sabiha Gökçän hawa mäydanınnan Yerivan aêroportına, sişämbe, comğa häm yäkşämbe könnärendä isä Yerivan hawa mäydanınnan İstanbulğa Sabiha Gökçän aêroportına reyslar oyıştıra.

“FlyOne” isä düşämbe, çärşämbe häm comğa könnärendä Yerivannan İstanbul hawa mäydanına säfär yasayaçaq.