Awrupadan Törkiyädäge çäç küçerügä zur iğ’tibar
Törkiyädä çäçne küçertep üsterü däwalaw ısulın saylap aluçılarnıñ 70% Awrupadan, 30% ğaräp dönyasınnan
TÜSATDER Törek sälamätlek saqlaw turizmı cämğıyäte başlığı Särvät Tärzilär soñğı 10 yılda sälamätlek turizmınıñ Törkiyädä zur üseş aluın belderde.
Tärzilär, 2010nçı yıldan birle bigräk tä çäçne küçertep üsterüdä Törkiyägä citdi külämdä qızıqsınu buluın iskärtep uzıp, Törkiyädäge çäç küçerügä berençe qızıqsınuçılarnıñ ğaräp kliyentları buluın, alınğan uñay näticälärdän soñ awrupalılarnıñ da qızıqsınuınıñ artuın äytte.
Awrupa kliyentlarınıñ da Törkiyädäge çäç däwalawğa bik ışanıp qayçağında 5, 10 keşelek törkemnär belän däwalanırğa kilüen añlatuçı Tärzilär: "Sannarğa qarağan çaqta 70% Awrupadan, 30% ğaräp dönyasınnan kilüçelärneñ buluın äytä alam”, - dip citkerde.
2022nçe häm 2023nçe yıllarnıñ Törkiyä sälamätlek saqlaw turizmı öçen zur üseş yılı bulaçağına ışanuın belderüçe Tärzilär bigräk tä şähär xastaxanäläreneñ yaxşılap êşläwe belän bergä Törkiyäneñ sälamätlek saqlaw turizmında dönyanıñ iñ möhim üzäklärennän bersenä äylänäçägenä basım yasadı.
