Ärdoğan Albaniyada

Törkiyä ilbaşı Räcäp Tayyip Ärdoğan Albaniya xökümäte räise Êdi Ramanıñ çaqıruı buyınça bügen älege däwlätkä räsmi säfär yasıy. Anı başqala Tirananıñ  Tereza anaqay isemendäge aêroportında räsmi tantana belän qarşıladılar.

Ärdoğan belän Rama soñınnan Albaniyädä 2019nçı yılda bulğan cir teträwdä öylären yuğaltqan ğailälär öçen Törkiyä tözegän toraqlarnı tapşıru tantanasında qatnaşu öçen Laç şähärenä yul tottı.

Säfär qısalarında uzaçaq söyläşülärdä ike arada strategik xezmättäşlek däräcäsendäge mönäsäbätlär barlıq yaqları belän qaralaçaq, anı kiñäytü öçen yasalaçaq adımnar xaqında süz baraçaq. Monnan tış, regional’ häm xalıqara mäs’älälär xaqında fiker alışaçaqlar.

İlbaşı Ärdoğannıñ Tiranada Törek xezmättäşlege häm koordinaśiyä agentlığı TİKA restavraśiyälägän Ätxäm bäy mäçeteneñ açılışında qatnaşuı häm Albaniya parlamentında çığış yasawı kötelä.