Grizudan signal kilde

Törkiyäneñ täwge kesä iyärçene “Grizu-263A”dan uñışlı räweştä signal alındı.

Anı Zonguldak Bülänt Äcävit universitetınıñ injeneriyä fakul’tetı studentlarınnan toruçı törkem yasadı. İyärçen AQŞnıñ Florida ştatındağı ğaläm bazasınnan kiçä Törkiyä waqıtı belän säğat’ 18.25tä oçırtıldı. Yaqınça 1 säğat’tän soñ ul orbitada urnaştı.

“Grizu-263 ğaläm törkeme”neñ sośial’ media akkauntında bolay dip yazıla: “Grizudan berençe signallar alındı, iyärçenebez isän!”

Törkem kapitanı Çağla Aytaç Dursun da üzeneñ säxifäsendä söyeneçen citkerä. “Ğorurlıq. Uylap taptıq, yasadıq, sınadıq häm ğalämgä cibärdek. Xäzer isän-saw xezmät itä Grizu-263A iyärçenebez” dip yaza ul.

İyärçen Zonguldakta 1992nçe yılnıñ 3nçe martında bulğan grizu şartlawında ğomere özelgän şaxtaçılar xörmätenä şulay dip atala. Grizu-263Anıñ orbitada 4 yıl 8 ay xezmät itüe kötelä.