Ärdoğan: “Qudüs - böten İslam dönyasınıñ urtaq däğ'wası”

İlbaşı Räcäp Tayyip Ärdoğan Törkiyäneñ Könçığış Qudüsneñ statusına häm Äl-Äqsa mäçeteneñ izgelegenä qağılışlı sizgerlegen qatğıylıq belän däwam itterüen belderde.

İstanbulda Dolmabahçä sarayında oyıştırılğan İslam xezmättäşlek oyışması qarşındağı İSİPAB Parlament berlegeneñ 16nçı konferenśiyasın açu utırışında çığış yasawçı İlbaşı Ärdoğan Qudüs däğwasınıñ barı tik bertörkem batır möselmannıñ däğwası ğına tügel, böten İslam dönyasınıñ urtaq däğwası buluın äytte.

Fälästindä ber yaqlı ğamällärneñ könnän-kön artuın, Ğazzägä qarata xaqsız, xoquqsız häm vöcdansız qamawnıñ däwam itüen añlatuçı Ärdoğan 2nçe Bötendönya suğışı waqıtında Awrupadağı yähüdlärgä qarşı genośidnıñ bäyäsen bügen fälästinnärgä tülätterüneñ ğadelsezlek bulaçağına basım yasadı.

Ärdoğan: "Bez Qudüsne 400 yıl buyı ğadellek belän idarä itkän ata-babalarnıñ onıqları bularaq Fälästindä qannı, küz yäşen häm zolımnı kürergä telämibez”, - dip äytte.

Törkiyäneñ Könçığış Qudüsneñ statusı belän Äl-Äqsa mäçeteneñ izgelegenä qağılışlı sizgerlegeneñ däwam itüen belderüçe Ärdoğan: "Daimi tınıçlıq häm totrıqlılıqnıñ yulı – 1967nçe yıldağı çiklärendä, başqalası Qudüs bulğan, bäysez, möstäqıyl, cir bötenlegenä iyä Fälästin däwläteneñ tözelüe”, - dip basım yasadı.

Aldıbızdağı çorda töbäktä tınıçlıq klimatınıñ köçäyüen yasalaçaq urtaq adımnarnıñ bilgele itäçägen iskärtep uzuçı Ärdoğan: "Berlek häm berdämlek êçendä xäräkät itärgä, Fälästin däğwasın zäğıyflätäçäk härtörle xäräkättän tıyılırğa tiyeşbez. Fälästin däğwasınıñ dönya kön tärtibendä tiyeşle urınğa kiterelüe häm ğadel çişeleş tabıluı öçen ğayrätlärebezne däwam itärgä tiyeşbez”, - dip äytte.

İlbaşı Äfğanstannıñ da daimi tınıçlıqqa häm totrıqlılıqqa qawışuınıñ urtaq teläkläre buluın iskärtep uzıp, bigräk tä xäzerge awır qış şartlarında äfğan qardäşlärebezgä humanitar yärdämneñ däwam itüneñ östenlekle yünäleş buluına iğ’tibarnı yünältte.

Ärdoğan: "Äfğanstannıñ qabat xaosqa häm bäreleşlärgä êtärelmäwe öçen ğayrätlärebezne däwam itteräbez”, - dip belderde.

Ärdoğan migraśiya mäs’äläsendä isä nigezdä migraśiya häm qaçaqlar mäs’äläsendä töp yökne tawışı küp çıqqan Könbatış illärenä qarağanda kübräk krizis töbäklärenä kürşe Törkiyä kebek illärneñ çigüen äytte.

"Berläşkän Millätlär Oyışması İminlek Şurasınıñ Süriyä krizisında cawaplılığın ütämiçä zur ömetsezlekkä äylänüen belderüçe Ärdoğan: "Törle çığışlardan 35 million möselman yäşäwçe Awrupanıñ qardäşlärebez öçen konślagerğa äylänüenä röxsät birä almıybız”, - dip äytte.