Ärdoğan: “Törkiyädä kizü torışı kontrol’dä totıla torğan däräcädä”

İlbaşı Ärdoğan kabinet cıyılışınnan soñ açıqlawlar yasadı.

Törkiyäneñ kizü belän köräşen, dönyadağı täräqqiyätlärne yaqınnan küzätep barıp, küzallawçı añlayış belän uñışlı räweştä däwam itterüen äytüçe Ärdoğan ikençe yılınıñ azağına yaqınlaşqan pandemiyanıñ, yaña dulqınnarı häm yaña variantları belän berençe çordağı farazlarnı uzıp, keşelekkä qurqınıç yanawın däwam itüen belderde.

Bu wazğiyätneñ alğa kitkän illär belän bergä böten däwlätlärneñ sälamätlek saqlaw ölkäse belän ber rättän töp xezmät häm êşlänmä asqormaların tora-bara tağın da qatlawlandıruına iğ’tibarnı yünältüçe Ärdoğan sälamätlek saqlaw xezmätlärendä nindi dä bulsa ber krizisqa hiç röxsät birmäwlärenä häm birmäyäçäklärenä basım yasadı.

Däwlät başlığı Törkiyädä awırtu oçraqları, xastaxanägä salınu, reanimaśiya häm wafat sannarınıñ kontrol’dä totıla torğan däräcädä buluın iskärtep uzdı.