"Nigernıñ qayğısın urtaqlaşabız"
Törkiyä tışqı êşlär ministrlığı Nigerda bulğan qanlı waqıyğanı ğayepläde
Törkiyä Nigerda bulğan terrorçılıq höcümendä ğomere özelüçelär öçen qayğı urtaqlaştı. Tışqı êşlär ministrlığınnan yasalğan belderüdä Nigernıñ Tillaberi töbägendä ber awılda bulğan qanlı waqıyğada küplärneñ hälaq buluına ärnü citkerelä.
“Bu çirqanıç terrorçılıq aktın barlıq köçebez belän ğayeplibez. Höcümdä ğomere özelüçelärneñ ğailäläreneñ, dus häm qardäş Niger xalqı, xökümäteneñ qayğısın urtaqlaşabız, yaralanuçılarğa şifa telibez,”-diyelä belderüdä.
Niger êçke êşlär ministrı Alkaçe Al’xada däwlät telekanalında çığış yasap 2nçe noyabr’dä Tillaberi töbägendäge Adab-Dab awılınıñ bilgesez qorallı terrorçı törkemnärneñ höcümenä duçar buluın äytkän ide. Ul älege awıl kerüçe rayonnıñ cirle xakimiyät başlığın da kertep 69 keşeneñ ğomere özelüen citkerde.
