Çit illärdän Törkiyägä yanğın öçen yärdäm däwam itä
Qayğı urtaqlaşu häm teläktäşlek yullamaları kilä, yärdäm täq'dim itüçelär dä bar
1683445
Törkiyädäge urman yanğınnarına qağılışlı çit illärdän qayğı urtaqlaşu häm teläktäşlek yullamaları kilä.
Gruziya prem’yer-ministrı İrakli Garibaşvilineň bu xaqtağı belderüendä tübändäge yullar urın aldı:”Bezneň dustıbız häm strategik partnyerıbız Törkiyäneň kön’yaq töbäklärendäge zur urman yanğınnarı turındağı xäbärlärne yaqınnan küzätep barabız. Afättä ğomeren yuğaltuçılar bar. Törkiyäneň qayğısın urtaqlaşabız häm yärdämgä äzerbez”.
Vengriya premyer-ministrınıň matbuğat xezmäte dä Vengriya xalqı isemennän Törkiyäneň qayğısın urtaqlaştı.
Urman yanğınnarı belän köräştä yärdäm qısalarında Törkiyägä 100 yanğın sünderüçe belän 1 amfibiya oçqıçı cibärgän Azärbaycan kiçä Törkiyägä 53 yanğın sünderü maşinası belän 220 personalnı ozattı.
