Törkiyäneñ urman baylığın arttıru häm ağaç utırtudağı uñışı
Törkiyäneñ urmannarın arttıru häm ağaç utırtudağı uñışı Berläşkän Millätlär Oyışması tarafınnan da raslandı
BMO azıq-tölek häm igençelek (FAO) oyışmasınıñ 2015nçe-2020nçe yıllarnı üz êçenä alğan "Global’ urman çığanaqların bäyäläw" (FRA) xisabına kürä, Törkiyä urmannarın arttırğan illär isemlegendä 46nçı urınnan 27nçelekkä kütärelde.
Törkiyä iñ küp ağaç utırtqan illär karegoriyasında isä Awrupada berence, dönyada isä 6nçı urın aldı.
Urman inventarizaśiyäsen öyränü qısalarında 1973nçe yılda 20 million 199 meñ 296 gektar buluı bilgelängän urman mäydanı 2018nçe yılda 22 million 621 meñ 935 gektarğa, uzğan yılda da 22 million 740 meñ gektarğa citte.
Urman xucalığı ğomum mödire Bäkir Qaracabäy BMO azıq-tölek häm igençelek (FAO) oyışması xisabında çağılğan Törkiyäneñ urman mäydannarındağı häm ağaç utırtudağı uñışınıñ bik qanäğätlelek birüçe häm söyeneçle buluın belderep: "Böten bolar ilebezneñ urman baylığındağı artunın xalıqara raslawı mäğ’näsenä turı kilä. Soñğı 18 yılda urmannarıbıznı 2 million 100 meñ gektarğa arttırdıq. 2023 maqsatıbız isä – il öslek mäydanınıñ 30%ına turı kilgän 23 million 400 meñ gektar urman mäydanına ireşü”, - dip äytte.
