“Түрксaт 5a” иярчeнe гaләмгә җибәрeлдe / “Türksat 5a” iyärçene ğalämgä cibärelde
Төркиянeң "Түрксaт 5A" AКШның Флoридa штaтындa урнaшкaн Кeйп Кaнaвeрaл гәләм aлaныннaн уңышлы рәвeштә җибәрeлдe / Törkiyäneñ yaña iyärçene Türksat 5A AQŞnıñ Florida ştatında urnaşqan Keyp Kanaveral ğäläm alanınnan uñışlı räweştä cibärelde
Törkiyäneñ 5nçe buın iyärçene “Türksat 5A” “Space X" firmasına qarağan “Falcon 9” raketası belän ğalämgä cibärelde.
Törkiyä waqıtı belän säğät 04:28dä yasaluı planlaştırılğan iyärçenneñ oçırtıluı hawa şartları arqasında yaqınça 1 säğätkä kiçekterelep Törkiyä waqıtı belän 05:15tä başqarıldı.
Törkiyä transport häm asqorma ministrı Adil Qaraismailoğlu “Türksat” aksionerlıq cämğıyäteneñ başqala Änkaradağı Gölbaşı şähärçegendä oyıştırılğan cıyılışta, iyärçenneñ üz orbitasına taba xäräkät itä başlawın belderep: “"Türksat 5A” iyärçenebezdän 35nçe minuttan soñ berençe signal kilde. İyärçenebez yulına däwam itä. Bu säyäxät 4 ay däwam itäçäk. Annan soñ testlarıbıznı yasayaçaqbız häm iyärçen aktiv bulaçaq”, - dip äytte.
Qaraismailoğlu 5A iyärçenennän soñ 5B häm 6A iyärçennäreneñ oçırtılaçağınıñ belderep: "Xäzerge waqıtta êşläp çığarıluı tämamlanğan häm sınap qarawları ütkärelgän “Türksat 5B” iyärçenebezne dä iyün’ ayında cibärergä planlaştırabız”, - dip äytte.
Cirle häm milli “Türksat 6A” belän bäyle êşçänlekneñ dä däwam itüen citkerüçe Qaraismailoğlu “Türksat 6A”nıñ da 2022nçe yılnıñ berençe aylarında ğalämgä cibärelüeneñ planlaştırıluın assızıqladı.
Qaraismailoğlu şuşı alğarışlarnıñ däwamında ğalämgä keşe cibärü êşçänlegeneñ kiläçägen işaräläp, yaña buınnıñ bu mäs’älälär belän bik qızıqsınuın, aldıbızdağı yıllarda da bolarnıñ kürenäçägenä iğ’tibarnı yünältte.
“Türksat 5A” iyärçene manevr ğomere belän orbitadağı yışlığın häm orbital’ xoquqların 30 yıl buyı garantiya astına alaçaq.
“Türksat 5A” 31 däräcä könçığış yünäleşendä Törkiyä, Awrupa, Urta Könçığış, Tön’yaq Afrika, Urta Könbatış Afrika, Kön’yaq Afrika, Urta diñgez, Ägäy diñgeze belän Qara diñgezne üz êçenä alğan geografiyada televideniye tapşıruları häm mäğ’lümati êlemtä xezmätlären täq’dim itäçäk.
Tulısınça êlektr êtärgeç sistemasına iyä bulğan “Türksat 5A”nıñ 31 däräcä könçığış küçärendäge urınına barıp citüe öçen yasayaçaq säyäxäteneñ yaqınça 4 ay däwam itüe häm yılnıñ ikençe çiregendä xezmätkä başlawı maqsat itelä.
